கோவை நகரின் போக்குவரத்து அமைப்பில் புரட்சிகரமான மாற்றத்தை ஏற்படுத்தப்போகும் மெட்ரோ ரயில் திட்டப் பணிகள் இன்று அதிகாரப்பூர்வமாக தொடங்கப்பட்டுள்ளது. இந்த திட்டம் கோவை நகரின் முகத்தையே மாற்றப்போகிறது – இனி பக்கத்துல ஊரு போக கூட மெட்ரோல போகலாம்!

திட்டத்தின் அளவு

இந்த மெட்ரோ திட்டம் சுமார் 34.8 கிலோமீட்டர் தூரத்தைக் கொண்டதாக இருக்கும். மொத்தம் 32 நிலையங்கள். அவ்வளவு பெரிய திட்டம் இது! மொத்த செலவு? ரூ.10,740 கோடி. எளிமையாகச் சொன்னால், கோவை நகரின் இரண்டு முக்கிய சாலைகளில் – அவினாசி சாலை மற்றும் சத்தியமங்கலம் சாலை – மெட்ரோ ரயில் ஓடப்போகிறது.

சென்னை மெட்ரோ ரயில் லிமிடெட் (CMRL) இந்த திட்டத்தை முழுமையாக செயல்படுத்த இருக்கிறது. சென்னைக்குப் பிறகு, கோவைக்கும் ஒரு நவீன போக்குவரத்து அமைப்பு!

இரண்டு வழித்தடங்கள்

பாதை 1:

• நீளம்: 20.4 கி.மீ.
• தொடக்கம்: உக்கடம் பேருந்து நிலையம்
• முடிவு: கோயம்புத்தூர் விமான நிலையம்
• நிலையங்கள்: 18
• செல்லும் இடங்கள்: நீலாம்பூர், பி.எஸ்.ஜி., பீளமேடு

பாதை 2:

• நீளம்: 14.4 கி.மீ.
• தொடக்கம்: கோயம்புத்தூர் ரயில் நிலையம்
• முடிவு: வலியம்பாளையம் பிரிவு
• நிலையங்கள்: 14
• செல்லும் இடங்கள்: கோயம்புத்தூர் ரயில் நிலையம், காந்திபுரம்

கால அட்டவணை

போகப்போக எல்லாம் வரும்னு நினைக்காதீங்க. இதுக்கு ஒரு திட்டமிட்ட கால அட்டவணை இருக்கு:

• நில ஆய்வு: மார்ச் 2025
• நிலம் கையகப்படுத்தல்: மார்ச் 2025
• கட்டுமானப் பணிகள்: 2026 முதல்
• முதல் கட்டம் முடிவு: 2030

மத்திய அரசின் இறுதி ஒப்புதல் 2025 இறுதிக்குள் கிடைக்கும் என்று எதிர்பார்க்கப்படுகிறது. அதுவரை பொறுமையா இருக்க வேண்டியதுதான்!

சிறப்பம்சங்கள்

இந்த மெட்ரோ ரயில் பெரும்பாலும் உயர்த்தப்பட்ட பாதைகளில் செல்லும். டிராபிக் ஜாமில் சிக்கி தவிக்க வேண்டாம் – மேலேயே பறந்து போகலாம்! ஒவ்வொரு ரயிலிலும் 3 பெட்டிகள் இருக்கும், 700 பயணிகள் ஒரே நேரத்தில் பயணிக்க முடியும்.

மெட்ரோ தூண்கள் 30 மீட்டர் இடைவெளியில் அமைக்கப்படும். பேருந்து நிலையங்கள், ரயில் நிலையங்கள், விமான நிலையம் என எல்லா முக்கிய போக்குவரத்து மையங்களுடனும் மெட்ரோ இணைக்கப்படும்.

கோவையின் போக்குவரத்து நெரிசலைக் குறைப்பதற்கான மிகப்பெரிய தீர்வாக இந்த மெட்ரோ ரயில் திட்டம் அமையும்

கோவை நகரில் உள்ள 30 லட்சத்துக்கும் அதிகமான மக்கள் இந்த மெட்ரோ ரயில் சேவையால் பயனடைவார்கள். ஒரு காலத்தில் மெட்ரோ ரயில்கள் பெரிய நகரங்களுக்கு மட்டுமே என்றிருந்த நிலை மாறி, இப்போது கோவை போன்ற இரண்டாம் நிலை நகரங்களுக்கும் வந்துவிட்டது.

5 ஆண்டுகள் கழித்து கோவை நகரத்தை பார்த்தால் அடையாளமே தெரியாது. மெட்ரோ வந்தா கோவை லெவலே வேற!